Traore uzoq muddatga safdan chiqdi

Donetskning «Shaxtyor» klubi hujumchisi Lassina Traore jarohati tufayli kamida 7 oyni o'tkazib yuboradi, deb xabar beradi Pro Football.

Futbolchi Chempionlar ligasi guruh bosqichining 2-turidan o'rin olgan «Inter»ga qarshi uchrashuvda (0:0) og'ir jarohat oldi va allaqachon operatsiya qilingan.

20 yoshli Traore «Shaxtyor»ga 2021 yilning yozida «Ayaks»dan kelib qo'shilgan edi. Uning transfer summasi 10 million evroni tashkil etdi.

Bu mavsum u klubi safida 14 ta o'yinda maydonga tushib, 9 ta gol urdi. Uning jamoa bilan shartnomasi 2026 yilning yozigacha amal qiladi.