Gasperini: «Milan» meni hayratda qoldirdi»

«Atalanta» bosh murabbiyi Jan Pero Gasperini A Seriya navbatdagi turidan o'rin olgan «Milan» bilan o'yin (2:3) haqida gapirdi.

«30-soniyada va tanaffus oldidan o'tkazib yuborilgan gollar, shubhasiz, biz uchun zarba bo'ldi. Zero, bu gollar orasida hisobni tenglashtirish uchun imkoniyatlarimiz bor edi.

Ishonchimiz so'ndi, lekin shuni ham ta'kidlash joizki, «Milan» ajoyib formada, ular hamma narsani to'g'ri qilishdi va bugun meni chindan ham hayratda qoldirdi.

Pessinani jarohati tufayli boy berganimiz ham omadsiz keldi. Garchi ko'p imkoniyatlar yaratgan bo'lsakda, ularning aksariyati besamar ketdi», - deydi Gasperini.