Benzema 2021/22 yilgi mavsumda ancha sermahsullik namoyish etmoqda

Madridning «Real» klubi hujumchisi Karim Benzema Ispaniya chempionatining 8-turidan o'rin olgan «Espanol» bilan o'yinda (1:2) gol urdi.

Shu tariqa, frantsuz futbolchisi joriy mavsum 10 ta o'yinda 10 ta gol urdi. Bundan tashqari, hujumchi 7ta golli uzatmani amalga oshirdi.

33 yoshli Benzema 2009 yildan buyon «Real» da o'ynaydi. U jami qirollik klubi uchun 569 ta o'yin o'tkazdi, 289 ta gol urdi va 151 ta golli uzatmani amalga oshirdi. Uning klub bilan shartnomasi 2023 yilning yozigacha amal qiladi.