«Milan» 2003/2004 yilgi mavsumdan keyingi eng yaxshi startini amalga oshirdi

«Milan» Italiya A Seriyasining 7-turidan o'rin olgan bahsda «Atalanta» maydoniga safar uyushtirib, 3:2 hisobida g'alaba bilan ortga qaytadigan bo'ldi.

Shu tariqa, Stefano Pioli shogirdlari Italiya chempionatining 7-turidan keyin 19 ochko to'plashdi. OptaPaolo statistik nashrining Tvitterdagi sahifaasida qayd etilishicha, bu natijaMilan klubining 2003/2004 yilgi mavsumdan keyingi eng yaxshi startiga to'g'ri keladi. Eslatib o'tamiz, «Milan» o'sha mavsumda Italiya chempioni bo'lishga muvaffaq bo'ldi.

Keyingi turda «Milan» o'z uyida «Verona» bilan o'ynaydi. Uchrashuv 16 oktyabr, shanba kuni bo'lib o'tadi.