A seriya. «Milan» safarda «Atalanta»ni taslim etdi (videosharh)

Italiya chempionatining 7-turidan o'rin olgan «Atalanta» va «Milan» jamoalari o'rtasidagi uchrashuvda "rossoneri" muhim g'alabani qo'lga kiritdi.

O'yinni ko'rmagan, faqatgina hisobga qarab xulosa chiqargan inson, go'yoki bahs intrigalarga boy bo'lgandan xulosa chiqarishi mumkin. Aslida esa uchrashuvning aksariyat vaqti bir darvoza oldida kechdi.

"Milan" uchrashuvning birinchi daqiqasidayoq hisobni ochgan bo'lsa, taym oxirida Tonalining goli evaziga farqni ikkitaga oshirdi. O'yin tugashiga 12 daqiqa qolganida esa Rafael Leau milanliklarning uchinchi to'pini kiritdi.

Pioli shogirdlari shundan so'ng xotirjamlikka berilishdi. Maydon egalari shunday so'ng raqib darvozasiga 2 marta yo'l topishdi. Dastlab Sapata penaltidan unumli foydalangan bo'lsa, qo'shib berilgan daqiqalarda Pashalich jamoasining ikkinchi golini urdi.

Bu esa mag'lubiyatdan qutulib qolish uchun etarli bo'lmadi. "Milan" ushbu g'alabadan so'ng o'z ochkolarini 19taga etkazdi. Jamoa peshqadam "Napoli"dan 2 ochko ortda qolgan holda 2-o'rinda bormoqda.

Italiya A seriyasi, 7-tur
Atalanta – Milan 2:3 (0:2, 2:1)
Gollar: 0:1 – 1 Kalabriya, 0:2 – 42 Tonali, 0:3 – 78 Rafael Leau, 1:3 – 86, penalti Sapata, 2:3 – 90+4 Pashalich.
Atalanta – Musso, Gimshiti, Demiral (Kopmeyners, 46), Palomino, Dzappakosta, de Ron, Froyler (Pashalich, 87), Pessina (Petstsella, 24), Mele (Muriel, 56), Sapata, Malinovskiy (Ilichich, 56).
Milan – Menyan, Kalabriya, Tomori, Ker, Ernandes (Ballo-Ture, 80), Braim Dias (Junior Messias, 74), Rafael Leau (Pellegri, 90), Salemakers, Tonali (Bennaser, 80), Kessie, Rebich.
Ogohlantirishlar: de Ron (40), Braim Dias (42), Tomori (52), Junior Messias (85), Rafael Leau (88).