«Barselona» yosh futbolchisi bilan shartnomani uzaytirmoqchi

«Barselona» rahbariyati Gavi bilan shartnomani uzaytirmoqchi, deb xabar beradi Diario Sport.

Manbaga ko'ra, Kataloniya klubi vakillari allaqachon futbolchining agenti bilan muzokaralarni boshlab yuborishgan. «Barselona» futbolchiga moliyaviy jihatdan yaxshilangan shartnoma taklif qilmoqchi.

17 yoshli Gavi «Barselona» tarbiyalanuvchusi hisoblanadi. Joriy mavsumda u klub safida oltita o'yin o'tkazdi va bitta golli uzatmani amalga oshirdi. Uning klub bilan shartnomasi 2023 yilning yoziga qadar tuzilgan.