Futzal. Portugaliya jahon chempionligini qo'lga kiritdi

Litva mezbonligida o'tgan futzal bo'yicha jahon chempionati o'z poyoniga etdi. Finalda Portugaliya va Argentina terma jamoalari to'qnash kelishdi.

Evropaliklar amaldagi chempion — Argentinani mag'lub etib, o'z tarixlarida ilk marta jahon chempionligini qo'lga kiritishdi. Pani dublga erishgan bo'lsa, "albiseleste"ning yagona goliga Klaidino mualliflik qildi. So'nggi soniyaliklarda argentinaliklarning zarbasidan so'ngto'p ustunga tegib qaytdi. Agar gol bo'lganida, o'yin qo'shimcha bo'limlarga o'tgan bo'lardi.

Bronza medali esa Braziliyaga nasib etdi. Bu jamoa Qozog'iston ustidan 4:2 hisobida g'alaba qozondi.

Futzal bo'yicha JCh
Final
ARGENTINA - PORTUGALIYa - 1:2

3-o'rin uchun bahs
BRAZILIYa - QOZOG'ISTON - 4:2