«Arsenal» 35 yillik antirekordni takrorladi

Xabaringiz bor, «Arsenal» Angliya Premer-ligasi 7-turi doirasida «Brayton» bilan durang o'ynadi (0:0).

«Kanonirlar» ligadagi dastlabki 7 o'yinda atigi 5 ta gol urishdi. 35 yil davomida «kanonirlar» bu qadar kam gol urmagan edi.

Oxirgi marta London klubi bunday statistikani 1986/87 yilgi mavsumda qayd etgan, o'shanda jamoani Jorj Grem boshqargan edi.

«Arsenal» o'sha mavsum Angliya chempionatida 4-o'rinni egalladi. Ayni paytda esa «kanonirlar» 9-pog'onani band etgan.