Shomurodov: «Yaxshiboevning «Real»dek jamoaga gol urgani yaxshi ma'noda hayron qoldirdi» (intervyu)

«Roma» hujumchisi Eldor Shomurodov Konferentsiyalar ligasi guruh bosqichi doirasida bo'ladigan «Zarya»ga qarshi o'yin arafasida ukrainalik jurnalistlarga intervyu berdi.

– O'tgan uchrashuv siz uchun muvaffaqiyatli bo'lmadi. "Zarya"ga qarshi o'yinda yangi kuch bilan maydonga tushish va o'z darajangizni namoyish etish ishtiyoqi bormi?
– So'nggi uchrashuv og'ir kechdi, biz uni tahlil qildik, o'z xatolarimizni o'rgandik va ularni to'g'irlashga harakat qildik. Maydonda amalga oshirishimiz kerak bo'lgan vazifalarimiz bor. Bor e'tiborimiz ertangi bahsga qaratilgan.

– O'zbek futboli o'z o'yinchilari bilan tanilgan: ilgari Maksim Shatskix Ukraina chemponatida yaxshi ishtirok etgan bo'lsa, kecha vatandoshingiz Jasurbek Yaxshiboev «Sherif» jamoasi safida "Real" darvozasiga gol urdi. Endi esa barcha sizni boshlang'ich tarkibda maydonga tushishingizni kutmoqda. So'nggi paytlarda «futbol» va «sensatsiya» iboralari sinonimga aylanib qolmoqda. Shu bois, raqib "Roma"ni mag'lub etishi mumkinmi?
– Bizni qiziqarli o'yin kutib turibdi. Har bir jamoada g'alaba bo'lgan ishtiyoq yuqori. Biz esa ijobiy natijaga erishish uchun bor kuchimizni beramiz.

– Rim derbisidan qanday hissiyotlar qoldi? Konferentsiyalar ligasi musobaqasiga, xususan, «Zarya»ga qarshi o'yinga qay darajada moslasha oldingiz?
– Derbi — hamisha e'tiborga molik voqea. Futbolda hamma narsa ro'y berishi mumkin. Bizni endi boshqa o'yin kutmoqda. Shu bois, avvalgi bahsni unutdik.

– Avval ham Ukrainada bo'lganmisiz? Sizni ushbu yurt bilan nima bog'lab turadi?
– Hech qachon Ukrainada bo'lmagandim, ammo bu erga kelganimdan xursandman. Ukraina terma jamoasi kuchli futbolchilardan tuzilgan. Chempionatda ham mahoratli futbolchilar ko'p.

– Siz o'zbek futboli yulduzisiz, ammo Jasurbek Yaxshiboev "Real"ga gol urib, sizdan biroz o'tib ketdi. Bu borada qanday fikrdasiz?
– Bunday kuchli jamoaga gol urgani meni yaxshi ma'noda hayron qoldirdi. Bundan albatta xursand bo'ldim. Ammo men o'zimni yulduz deb hisoblamayman. O'zbekistonda mendan yaxshiroq o'yin ko'rsatadigan futbolchilar ko'p.

– "Jenoa"dan so'ng «Roma»ga moslashish jarayoni qanday kechdi?
– Bungacha Italiyada o'ynayotganim foyda berdi. Shu bois, yangi jamoaga moslashishim nisbatan engil kechdi.