Ronaldu klub darajasida «to'qqiz yuz»lik dovonni zabt etdi

"Manchester Yunayted" Evropa chempionlar ligasi guruh bosqichi 2-turidan o'rin olgan "Vilyarreal"ga qarshi o'yinda irodali g'alabani qo'lga kiritdi (2:1).

Mankunianliklar hujumchisi Krishtianu Ronaldu boshlang'ich tarkibda maydonga tushib, 90+5-daqiqada g'alaba to'pini kiritdi. Portugaliyalik futbolchi uchun mazkur bahs klub darajasidagi 900-o'yin uchrashuv bo'ldi, deya xabar tarqatdi Sky Sports. Ronaldu bu o'yinlarda 679 gol muallifiga aylanib, 23ta yirik sovrinlarni qo'lga kiritgan.