Karim Adeyemi Tomas Myullerning rekordini yangiladi

«Zaltsburg» hujumchisi Karim Adeyemi Chempionlar ligasida o'ziga xos natija qayd etdi, deb xabar beradi Opta statistik nashri.

«Buqalar» chorshanbaga o'tar kechasi «Lill» darvozasiga ikkita gol urdi (2:1). Adeyemi 19 yosh-u 254 kunligida Evropaning klublar darajasidagi asosiy musobaqasida dubl qayd etdi. Manbaga ko'ra, hali hech bir nemis futbolchisi ushbu yoshda mazkur natijaga erishmagan.

Opta xabariga ko'ra, bu ko'rsatkich bo'yicha Chempionlar Ligasidagi oldingi rekord Tomas Myullerga tegishli edi (20 yosh-u 2 kun).