Sulsher: «Jamoada Ronaldu bor ekan, g'alabaga imkoniyat hamisha saqlanib qoladi»

«Manchester Yunayted» bosh murabbiyi Ole-Gunnar Sulsher Chempionlar ligasi guruh bosqichi doirasida bo'lib o'tgan «Vilyarreal»ga qarshi o'yin (2:1) borasida o'z fikrlari bilan o'rtoqlashdi.

«Mana «Old Trafford»da qanday voqealar ro'y beradi. Bu birinchi marta sodir bo'layotgani yo'q. Va-bankka borishimizga to'g'ri keldi va o'yin so'ngida omadimiz chopdi.

«Vilyarreal» bilan o'ynash qiyin, g'alaba qozonish undan ham og'ir. O'z uyimizda g'alaba qozonishni istaganimiz uchun yanada qiyinroq bo'ldi. Agar biz oldinga u qadar ko'p o'tmaganimizda, raqib xursandchilik bilan himoyada o'tirishda davom etgan bo'lardi.

Ba'zida natija uzatmalarga emas, muxlislarning qo'llab-quvvatlashiga bog'liq bo'ladi. Jamoada Ronaldu bor ekan, g'alabaga imkoniyat hamisha saqlanib qoladi. U raqib darvozasi oldida juda yaxshi o'ynaydi va har bir futbolchiga ta'sir ko'rsata oladi.

Bunday o'yinda g'alaba qozonish futbolchilar uchun muhim ahamiyatga ega. Boz ustiga, shunday bahsda «Yang Boyz»ga imkoniyatni boy bergandik. Hozirda barcha uchrashuvlar qiyin kechmoqda. Jamoalar orasidagi farq katta emas», – dedi Sulsher.