«Nyukasl» futbolchisiga «Chelsi» va «Liverpul» klublari qiziqish bildirmoqda

«Nyukasl» hujumchisi Allan Sent-Maksimin APL gigantlaridan biriga o'tishi mumkin, deb xabar beradi Calcio Mercato nashri. Manbaga ko'ra, futbolchiga «Chelsi» va «Liverpul» qiziqish bildirmoqda.

Ma'lum bo'lishicha, «Everton» ham Sent-Maksimin xizmatlariga qiziqish bildirmoqda. Biroq, futbolchi sotib olmoqchi bo'lgan har bir jamoa yozgacha kutishga majbur bo'ladi, chunki «qora-oqlar» hujumchini qishda qo'yib yubormaydilar.

Eslatib o'tamiz, Sent-Maksimin 2019 yilda «Nyukasl»ga 18 million evroga «Nitstsa»dan ko'chib o'tdi. U joriy mavsumda Premer-ligada 6 ta o'yinda maydonga tushib, 2 ta gol va 3 ta golli uzatmani amalga oshirgan.