EChL. «Benfika» 60 yildan beri «Barselona»ni yuta olmayapti (prevyu)

«Benfika» bugun Chempionlar Ligasi guruh bosqich 2-tur doirasida Lissabonda «Barselona»ni qabul qiladi va 60 yilda ilk bor mag'lub etishga urinib ko'radi.

Birinchi turda Portugaliya klubida Kievda «Dinamo» bilan 0:0 hisobida durang o'ynagan holda dastlabki ochkoni qo'lga kiritgan bo'lsa, «Barselona» o'z maydonida «Bavariya»dan uchta golni qabul qilib olgandi. Shu tariqa, Kataloniya klubi o'z tarixida ilk bor evrokubok o'yinlarning ketma-ket uchtasida mag'lubiyatga uchradi.

 

Oldingi uchrashuvlar

Jamoalarning oxirgi kesishgan yo'li Chempionlar Ligasining 2012/13 yilgi mavsumi guruh bosqichiga borib taqaladi. O'shanda 2-tur doirasida Lissabonda o'tgan o'yinda Sanches va Fabregaslarning gollari «Barselona»ga 2:0 hisobidagi g'alabani taqdim etgandi. 6-turda, "Nou Kamp"da bo'lib o'tgan uchrashuvda gol kiritilmagan. O'shanda guruhda «Barselona» birinchi, «Benfika» uchinchi o'rinni qo'lga kiritgandi. O'sha bahs «Barselona» va «Benfika» qarama-qarshiligida g'olib aniqlanmagan ilk uchrashuv sifatida yodda qolgan.

Klublarning birinchi bellashuvi 1961 yilda o'tkazilgan. Bela Gutmanning «Benfika»si «ko'k-anorranglilar»ni 3:2 hisobida enggan.

Jamoalar 2006 yilda EChL chorak finalida to'qnash kelishgan va Ronaldino hamda E'toOning gollari "Barselona"ni yarim finalga olib chiqqan.

Tomonlar Chempionlar Ligasi doirasida jamo 7 bor uchrashishgan. Shulardan uchtasida «Barselona», bittasida «Benfika» g'alaba qozongan. To'plar nisbati - 8:4 «Barselona» foydasiga.

Taxminiy tarkiblar

Benfika - Vlakodimos, Verissimo, Otamendi, Vertongen, Gilberto, Mario, Vaygl, Grimaldo, Nunes, Rafa, Yaremchuk

Barselona - Ter-Shtegen, Mingesa, Arauxo, Pike, Dest, Buskets, de Yong, Koutino, Demir, Depay, Lyuk de Yong.

 

Yo'qotishlar

Mezbonlar safida Haris Seferovich, Mila Svilar jarohati bois maydonga tusha olishmaydi. Diogu Gonsalveshda ham kichik jarohat mavjud, lekin uning qatnashishi so'roq ostida.

Kataloniyaliklar safida yo'qotishlar bisyor. usmon Dembele, Pedri, Breytueyt, Aguero, Alba jarohat olishgan. Balde va Serj Robertolar ham jarohatdan tiklanish jarayonida va ularning qatnashishi noma'lum.

 

Raqamlar

«Barselona» barcha musobaqalarda «Benfika»ga qarshi so'nggi 4 o'yinda gol o'tkazib yubormadi.

«Benfika» Chempionlar Ligasida oxirgi 7 uchrashuvining beshtasida darvozasi dahlsizligini saqlab qoldi.

«Benfika» oxirgi 5 EChL o'yinida mag'lubiyatga uchramadi.

 

Bahs rasmiylari

Bosh hakam: Daniele Orsato (Italiya)

Qanot hakamlari: Alessandro Giallatini (Italiya), Chiro Karbone (Italiya)

Zaxira hakami: Daniele Doveri (Italiya)

VAR: Massimiliano Irrati (Italiya)

VAR yordamchisi: Kris Kavenag (Angliya)

 

Eslatib o'tamiz, uchrashuv bugun Toshkent vaqti bilan 00:00 da boshlanishi ko'zda tutilgan.

Manba: uefa.com