"Liverpul" mag'lubiyatsiz seriyani davom ettirmoqda

"Liverpul" Chempionlar Ligasi doirasida "Portu"ni safarda mag'lubiyatga uchratdi (1:5).

Mersisaydliklar klubi joriy mavsum barcha musobaqalarda o'zining 9 -o'yinini o'tkazdi va bu uchrashuvlar davomida Yurgen Klopp shogirdlari mag'lubiyat alamini totmagan - 7 g'alaba, 2 durang.

Umuman olganda, klubning mag'lubiyatsiz seriyasi 18 uchrashuvga etdi. So'nggi bor, jamoa 7 aprelda Chempionlar Ligasida "Real Madrid"ga (3:1) imkoniyatni boy bergan edi.