Rasman : Kopa Amerika va Evro-2020 chempionlari kuch sinashishadi

Italiya va Argentina terma jamoalari 2022 yil iyun oyida o'rtoqlik o'yini o'tkazishadi.

UEFA o'yin Janubiy Amerika futbol konfederatsiyasi (KONMEBOL) bilan kengaytirilgan hamkorlik doirasida o'tkazilishini e'lon qildi.

Hozircha uchrashuv qaysi stadionda bo'lib o'tishi noma'lum. Xabarlarga ko'ra, o'yin 2020 yil noyabr oyida vafot etgan Argentina afsonasi Diego Maradonaga bag'ishlanadi.

So'nggi marta Argentina va Italiya 2018 yilning mart oyida to'qnash kelishgan va o'yinda argentinaliklar 2:0 hisobida g'alaba qozonishgan edi.