«Liverpul» va «Manchester Yunayted» «Milan» futbolchisiga qiziqish bildirmoqda

«Milan» yarim himoyachisi Frank Kesse faoliyatini Angliyada davom ettirishi mumkin, deb xabar beradi 90min.

Manbaga ko'ra, «Liverpul» va «Manchester Yunayted» 24 yoshli ivuarlik futbolchini o'z saflariga qo'shib olmoqchi. Xabar qilinishicha, mankunianliklar yarim himoyachini Pol Pogba, agar u jamoani tark etsa, uning o'rnini bosuvchi sifatida ko'rib chiqmoqda.

O'tgan mavsumda Kesse 50 ta o'yinda maydonga tushib, 14 gol va 6 golli uzatmani amalga oshirdi. Transfermarkt portali futbolchining qiymatini 55 million evroga baholamoqda.