"Atletiko" "Napoli" bilan o'yinchi almashtirmoqchi

Markos Lorente va Fabian Ruis qishda jamoalarini o'zgartirishi mumkin.

"Calcio Mercato" xabar berishicha, "Atletiko" va "Napoli" kelayotgan transferlar vaqtida futbolchi almashishi mumkin. "Matraschilar" 25 yoshli Fabian Ruis bilan shartnoma imzolashga qiziqish bildirmoqda. Shu bilan birga, Madrid klubi bu bitimga Markos Lorenteni ham qo'shishi mumkin.

Ruis 2018 yilda "Betis"dan "Napoli"ga ko'chib o'tdi va klub bilan 5 yillik shartnoma imzolagan edi. Joriy mavsumda, chempionatda 6 ta o'yin o'tkazgan Fabian 2 gol va yana shuncha golli uzatmani amalga oshirgan.

Lorente esa "Atletiko" sharafini 2019 yildan beri himoya qiladi. Uning klub bilan shartnomasi 2027 yilgacha mo'ljallangan. U 2021/22 mavsumida Ispan klubi uchun 8 ta o'yin o'tkazdi va foydali harakat amalga oshira olmadi.