«Liverpul»da yangi vitse-sardorlar tayinlandi

"Liverpul" bosh murabbiyi Yurgen Klopp jamoada yangi vitse-sardorlar tayinlanganini ma'lum qildi.

Uning so'zlariga ko'ra, o'tgan mavsumda jarohatlanganlar soni ko'payib ketgani uchun sardorlikka nomzodlar soni ko'paytirilgan. "Liverpul" posboni Alisson, himoyachilar Trent Aleksandr-Arnold va Endryu Robertson yangi vitse-sardorlarga aylanishdi.

Jamoaning asosiy vardori vazifasini Jordan Xenderson bajarishda davom etadi. Jeyms Milner va Virjil van Deyk uning yordamchilari hisoblanadi.