Pochettino va Errera "Manchester Siti"ga qarshi o'yin oldidan matbuot anjumanida qatnashishdi

PSJ bosh murabbiyi Maurisio Pochettino bugun Chempionlar Ligasi doirasida o'tkaziladigan "Manchester Siti"ga qarshi o'yin oldidan o'z fikrlarini bildirib o'tdi.

Biz rivojlanish ustida ishlayapmiz. Bu fikr emas, fakt. Biz qaerdan kelganligimiz va hozir qaerda ekanligmizga nazar solishimiz kerak. Biz "Manchester Siti"ga hamda dunyoning eng yaxshi murabbiyi Pep Gvardiolaga qarshi to'qnash kelyapmiz. Ular buyuk jamoa, xuddi bizdek Chempionlar Ligasini yutishni orzu qilayotgan klub.

Ular balki bizdan oldindadir, lekin futbolda hamma narsa sodir bo'lishi mumkin. Biz harakat qilamiz va ularga o'z xohishimiz, maqsadimiz, g'oyalarimizni amalga oshirish hamda ularning imkoniyatlarini chegaralash va zaif tomonlaridan foydalanish orqali muammo yaratmoqchimiz. Bu futbolchilar o'z mahoratlarini ko'rsata oladigan futboolchilar uchun atalgan o'yin.

Jamoa xotirjam, o'yinchilar xotirjam, ular bir-birlari bilan yaxshi chiqishib ketishgan. Jamoada muhit ajoyib. PSJ maxsus holatlar bilan o'zgacha klub, siz buni boshqa klublardan topa olmaysiz. Siz buni tushuninishingiz kerak. Birinchi sinov? Bunday o'ylamayman. Har o'yinda qiyin chaqiruvlarga duch kelamiz. Mavsum avvali oson o'tgani yo'q. To'liq tarkib yig'ilganidan beri ishlayapmiz. Bizdan kutilayotgan narsalarni bilamiz va bunga ma'suliyat, qat'iyat bilan yondashish kerakligini ham tushunib turibmiz.



Veratti va Messi haqida

Marko oxirgi kunlarda mashg'ulotlarda yaxshi qatnashdi. O'ylaymanki, u tarkibimizning bir qismi bo'ladi. U asosiyda tushadimi, bilmadim, ammo uning o'yinini ko'rishimiz mumkin. Leoda ham shunday holat. Juda yaxshi o'sishda davom etmoqda va u ham jamoa safida bo'ladi deb o'ylayman. Lekin, boshlang'ichda tushadimi, buni bilmayman. Uning moslashuvi? U dunyoning eng yaxshi o'yinchisi, biroq u ham boshqalar kabi inson. U yangi jamoaga, yangi madaniyat va mamlakatga moshlashishi kerak. U Barselonada 20 yil bo'ldi, bu erdagi barchasi u uchun yangi. Vaqt o'tishi bilan hammasi yaxshi bo'ladi va birgalikda haqiqiy muvaffaqiyatga ega bo'lamiz. Bunga shubha qilmayman.

Matbuot anjumanida PSJ yarim himoyachisi Ander Errera ham o'z fikrlari bilan bo'lishdi.

"Biz pozitiv munosabat bilan o'yinda harakat qilishimiz kerak. Hamma bizdan nima kutayotganini bilamiz, ammo bu bizga yoqadi. Shuning uchun ham shu erdamiz. Bu ma'suliyatni mamnuniyat bilan zimmamizga olamiz. Chempionlar Ligasini yutishi mumkin bo'lgan 10 jamoa bor, balki. Bizning jamoadan kutilmalardan xabarimiz bor, biroq saviyasi yuqori musobaqada qatnashyapmiz. Hech narsani oldindan taxmin qilib bo'lmaydi va shuning uchun Chempionlar Ligasida doim katta syurprizlar bo'ladi".

Manba: en.psg.fr