EChL. So'nggi ikki mavsum finalchilari bugungi markaziy uchrashuvda qatnashishadi (prevyu)

Chempionlar Ligasi 2-turining markaziy uchrashuvlari orasida etakchilik qila oladigan uchrashuv bugun o'tkaziladi. PSJ hamda "Manchester Siti" o'yini uchun prevyuni qarshi oling.

PSJ A guruhining ikkinchi turida o'tkaziladigan "Manchester Siti"ga qarshi uchrashuv boshlanishini kutayotgani aniq. Esingizda bo'lsa, o'tgan mavsum yarim finalida aynan «shaharliklar» umumiy 4:1 hisobida g'alaba qozonib, Parij klubini musobaqadan chiqarib yuborgandi. Ushbu g'alabalar orqali «Siti» PSJga qarshi 5 bahsda mag'lub bo'lmadi (3G, 2D).

Eslatib o'tamiz, Pep Gvardiola jamoasi ilk turda «Leyptsig»ni 6:3 hisobida mag'lub etib, EChLdagi umumiy 50-g'alabasini qo'lga kiritgandi. PSJ esa Belgiyada «Bryugge» bilan murosa yo'lini tanlagan - 1:1.

Oldingi uchrashuvlar

Joriy yilning 28 aprelida o'tgan yarim final ilk o'yinida PSJ o'z maydonida mag'lub bo'lgandi. Dastlab Markinos hisobni ochgan, keyinchalik de Bryuyne muvpzanatni tiklagan hamda Riyad Mahrezning goli esa uchrashuv taqdirini hal qilgandi. O'yin tugashiga 10 daqiqa vaqt qolganida Gyundoganga ishlatgan qo'polligi uchun Idrissa Geye maydondan chetlatilgandi.

4 mayda o'tkazilgan javob bahsida esa Mahrezning dubli «Siti»ning muvaffaqiyatini mustahkaamlagan holda final yo'llanmasini taqdim etgandi. Bu o'yinda ham PSJ kamchilik bilan harakat qilgan. Di Mariyaning Fernandinoga ishlatgan qo'polligi uchun qizil kartochka olgandi.

«Siti» o'z tarixida ilk bor 2015/16 yilgi mavsumda EChL yarim finaliga chiqqandi. Buning uchun ular PSJ bilan chorak finalida to'qnash kelishgan hamda Parijdagi bahsda 2:2 hisobi qayd etilgan. Uchrashuvda de Bryuyne (38-daqiqa), Ibrahimovich (41), Rabo (59) va Fernandino (77) gol kiritishgan. Manchesterda o'tgan javob bahsida esa Kevin de Bryuynening 76-daqiqada kiritgan goli Pellegrini jamoasini Loran Blan boshchiligidagi Frantsiya klubi ustidan g'alaba qozonishi uchun etarli bo'lgandi.

Jamoalar ilk bor 2008/09 yilgi mavsum UEFA kubogi guruh bosiqichida duch kelishgan va durang (0:0) natija qayd etilgandi. O'sha mavsum «Siti» chorak finalda «Gamburg», PSJ esa "Dinamo Kiev" to'sig'idan o'ta olmagandi.

Jamoalarning holati

2019/20 yilgi mavsum «Bavariya»dan keyin ikkinchi bo'lgan PSJ o'tgan mavsum musobaqa yarim finaligacha etib borgandi.

Bu PSJning 10 muvaffaqiyatli mavsumi va jami 14-bor ishtirok etishi. Bu Frantsiya klublari orasida «Lion»dan keyin (16) eng yaxshi natija hisoblanadi.

O'tgan mavsum Frantsiya chempionatida 2-o'rinni egallagan PSJ, mamlakat kubogida 14 marta g'olib chiqdi va bu oxirgi 7 yil ichidagi oltinchi muvaffaqiyat bo'ldi.

PSJ Angliya jamoalariga qarshi o'z uyida 12 marta o'ynagan 4 martadan g'alaba, durang, mag'lubiyatni qabul qilib olgan. Parij klubi Angliya klublariga qarshi so'nggi 12 o'yinida 3 g'alaba, 3 durang, 6 mag'lubiyatni qayd etgan.

O'tgan mavsum finalga qadar etib borgan "Manchester Siti" 29 may kuni «Portu»ning «Dragao» stadionida o'tgan o'yinda 0:1 hisobida «Chelsi»ga yutqazib qo'ygandi.

«Siti» allaqachon o'tgan mavsumning 10 EChL bahsida o'tkazib yuborgan gollari rejasini to'ldirib ulgurdi. 2020/21 yilgi mavsumda Angliyaning 7 karra chempioni bo'lgan «shaharliklar», to'rtinchi mavsumda uchinchi chempionlikni qo'lga kiritishdi.

Manchester klubi 2011/12 yilgi mavsumdan beri har yili EChLda qatnashib kelmoqda va shulardan sakkiztasida pley-offga chiqqan.

«Siti»ning Frantsiya klublariga qarshi rekordi - 6 g'alaba, uchtadan durang va mag'lubiyat. To'plar nisbati - 23:16.

 

Bahs rasmiylari

Bosh hakam: Karlos Grande (Ispaniya)

Qanot hakamlari: Pau Devis, Roberto Fernandes (Ispaniya)

Zaxira hakami: Santiago Latre (Ispaniya)

VAR: Xuan Munuera (Ispaniya)

VAR yordamchisi: Kristian Dingert (Germaniya)

Eslatib o'tamiz, mazkur bahs bugun Toshkent vaqti bilan 00:00da boshlanishi rejalashtirilgan.

Manba: uefa.com