«Manchester Yunayted» «Lids» futbolchisiga qiziqmoqda

Star xabariga ko'ra, «Lids» yarim himoyachisi Kalvin Fillips faoliyatini boshqa klubda davom ettirishi mumkin.

Manbaga ko'ra, «Manchester Yunayted» 25 yoshli ingliz futbolchisiga da'vo qilmoqda. Mankunianliklar «Vest Xem»dan Deklan Raysni sotib ololmasa, e'tiborni Fillipsga qaratadi.

Fillips o'tgan mavsum «Lids» safida 30 o'yinda maydonga tushib, 1 gol urdi va 2 golga uzatma berdi. Transfermarkt portali futbolchini 40 million evroga baholamoqda.