EChL. «Shaxtyor» - «Inter» yoxud Ukraina va Italiya grandlari to'qnashuvi uchun prevyu

Chempionlar Ligasi guruh bosqich 2-turida «Shaxtyor» o'z maydonida «Inter»ni qabul qiladi.

«Shaxtyor» va «Inter» 2020/21 yilgi mavsumdagi ikki uchrashuvda ham durang o'ynashgandi. Endi esa qo'lga kiritilgan g'alaba bu tenglikni buzadi va ulardan biri D guruhiidagi holatini yaxshilab olishlari mumkin.

Ikkala jamoa ham joriy mavsum EChLni mag'lubiyat bilan boshladi. «Shaxtyor» safarda musobaqa debyutanti hisobangan «Sheriff»ga imkoniyatni boy berib (0:2) qo'ygan bo'lsa, «Inter» 89-daqiqada o'tkazib yuborilgan gol evaziga o'z maydonida «Real»dan engildi.

Oldingi uchrashuvlar

Tomonlar o'tgan mavsum B guruhida to'qnash kelib, ikkala o'yinda ham 0:0 hisobida murosa yo'lini tanlashgandi. Kievda o'tkazilgan bahsda Lukaku va Barella darvoza to'sinini nishongan olishgandi, 6-turda o'tgan bahsda esa Lautaro o'z imkoniyatidan foydalana olmagandi. Mazkur natijalardan keyin «Shaxtyor» uchinchi, «Inter» esa to'rtinchi o'rin bilan EChLdagi ishtirokini yakunlagandi.

2019/20 yilgi mavsum bir o'yindan iborat Evropa Ligasi yarim finalida Lukaku va Lautaroning dubli hamda D'Ambrozioning goli evaziga «Inter» Ukraina klubi ustidan yirik g'alabaga erishib finalga chiqqan.

Shuningdek, «neradzurrilar» EChLning 2005/06 yilgi mavsum guruh bosqichiga saralashning uchinchi raundida umumiy 3:1 hisobida g'alaba qozongandi (1:1 Milan, 2:0 Donetsk). O'shanda «Shaxtyor»ni «Inter»ning sobiq murabbiyi Mirka Luchesku boshqargan.

Jamoalarning holati

O'tgan mavsum «Shaxtyor» 4 yillik chempionlikdan keyin Ukraina chempionatida "Dinamo Kiev"dan 11 ochko ortda qolgan holda ikkinchi o'rinni egalladi. Bundan tashqari mamlakat kubogi chorak finalidagi mag'lubiyat, donetskliklarni 2014/2015 yilgi mavsumdan beri ilk bor yilni sovrinsiz yakunlashlarini ta'minlab berdi.

Jamoa EChLga saralash bahslarida Belgiyaning «Genk» hamda Frantsiyaning «Monako» jamoalarini taslim etgan holda guruh bosqichiga yo'l oldi.

2010/11 yilgi mavsum EChL chorak finalchisi, «Shaxtyor» 16 marta guruh bosqichida ishtirok etmoqda. Jamoa 11 mavsum guruhda qolib ketgan va shularning orasida oxirgi 3 mavsum ham bor.

«Shaxtyor» Chempionlar Ligasidagi oxirgi 20 uchrashuvidan faqatgina 4 marta g'alabaga erishgan (8D, 8M).

«Inter» Chempionlar Ligasida g'alaba qozongan so'nggi Italiya klubi bo'lib turibdi. Jamoa 10 yil oldin Evrokuboklardagi uchinchi, 45 yil ichida ilk bor chempionligini nishonlagandi.

Bu jamoaning 15-mavsum guruh bosqichida ishtirok etishi va ketma-ket to'rtinchi mavsum qatnashishini bilasiz. Bunga qadar (2011/12 - 2018/19) klub 6 mavsum EChLda o'ynamagan.

«Inter»ning musobadagi so'nggi uch mavsumi guruh bosqichinini o'zida yakuniga etgandi. O'tgan mavsum Antonio Konte jamoasi B guruhida 6 o'yindan faqatgina bittasida g'alaba qozonib, 6 ochko bilan to'rtinchi o'rinni egallagandi.

Ushbu yozgi transferlar oynasida Kontening o'rni «Latsio» sobiq bosh murabbiyi Simone Inzagi bilan to'ldirilganidan xabaringiz bor.

«Inter» Chempionlar Ligasidagi oxirgi 17 uchrashuvdan faqat uchtasida g'alaba qozongan (6D, 8M).

Bahs rasmiylari

Bosh hakam: Istvan Kovasch (Ruminiya)

Qanot hakamlari: Vasile Marinesku, Ovidiu Artene (Ruminiya)

Zaxira hakami: Andrey Chivulete (Ruminiya)

VAR: Marko Fritz (Germaniya)

VAR yordamchisi: Ovidiu Hategan (Ruminiya)

Eslatib o'tamiz, mazkur bahs bugun Toshkent vaqti bilan 21:45 da boshlanishi koz'da tutilgan.