Mikael Sekeyra: «Umid qilamanki, bundan keyin so'nggi daqiqalarda gol o'tkazib mag'lub bo'lmaymiz»

"Lokomotiv" bosh murabbiyi Mikael Sekeyra Superliganing 20-turi doirasida bo'lib o'tgan "Mash'al"ga qarshi bahs (2:1) borasida o'z fikrini bildirib o'tdi.

"Birinchi bo'limni yaxshi boshladik. Vazifalarni to'g'ri bajardik. Biroq xatomiz orqali o'zimizga gol olib keldik. Ikkinchi bo'limda taktikani o'zgartirdik va shuning hisobiga g'alabaga erishdik. Juda ko'p imkoniyatga ega bo'ldik. Yil davomida so'nggi daqiqalarda omadimiz kelmayotgandi. G'alabamiz adolatli bo'ldi. Barcha futbolchilar o'z vazifasini to'g'ri bajarishdi. So'nggi 4 o'yinda oxirgi daqiqalarda mag'lub bo'lgan paytlarimiz ham bo'ldi. Umid qilamanki, bundan keyin so'nggi daqiqalarda gol o'tkazib mag'lub bo'lmaymiz", — dedi Sekeyra.

Manba: lokomotiv.uz