Pioli «Atletiko»ga qarshi bahs oldidan shogirdlarining ustunligi qaysi ekanini eslatdi

«Milan» bosh murabbiyi Stefano Pioli Chempionlar ligasi guruh bosqichining 2-turidan o'rin olgan «Atletiko» bilan bo'ladigan uchrashuv haqida fikr bildirdi.

«Jamoamiz ayni dam tajriba orttirmoqda. Bizda yosh futbolchilar ko'p. Bu bizning katta afzalligimiz hisoblanadi.

«Atletiko» juda kuchli jamoa. U erda zo'r murabbiy ishlaydi, jamoada yuqori darajali futbolchilar bor.

Ular har qanday vaqtda samarali hujum uyushtirishi mumkin. Biz butun o'yin davomida diqqatimizni bir erga jamlashimiz kerak.

Oddiy, tez va aniq o'ynash talab etiladi. Ispaniya chempionatida «Real» va «Barselona»ni ortda qoldirgan jamoaga qarshi o'ynashimizni unutmasligimiz kerak.