35 yoshli Falkao ikkinchi yoshligiga qaytdi

«Rayo Valekano» Ispaniya chempionatining 7-turida «Kadis» ustidan g'alaba qozondi (3:1).

Birinchi bo'lim oxirida kiritilgan golni Rayoning asosiy tarkibida maydonga tushgan hujumchi Radamel Falkao urdi.

Kolumbiyalik futbolchi Madrid klubi safida uchta o'yinda maydonga tushib, ularning barchasida gol urgan. U «Atletik» (2:1) va «Xetafe» (3:0) mag'lub etilgan uchrashuvlarda ham raqib darvozalariga gol urib, har ikki holatda ham zaxiradan maydonga tushgandi.