Futzal bo'yicha JCh. Yarim finalga chiqqan 2 jamoa aniq bo'ldi

Litvada bo'lib o'tayotgan futzal bo'yicha jahon chempionatida bugun chorak finalning 2ta uchrashuvi bo'lib o'tdi.

Braziliya terma jamoasi Marokashga qarshi o'yinda yagona gol evaziga g'alaba qozondi. Rodrigo bahsning 11-daqiqasida afrikaliklar darvozasini ishg'ol qildi.

2016 yilgi JCh finalchilari — Rossiya va Argentina o'rtasidagi bahs juda qiziqarli kechdi. Dastlab o'yinning 25-daqiqasida "albisileste" sardori Kutstsolino standart vaziyatdan hisobni ochgan bo'lsa, bahs tugashiga 5 daqiqa qolganida Antoshkin hisobni tenglashtirdi.

Qo'shimcha bo'limlar boshlanishidan avval argentinaliklarning follari soni 5taga etgandi va ular ekstra-taymda oltinchi qoidabuzarlikni sodir etishdi. Asadovning 10 metrdan yo'llagan dabl-penaltisini Argentina posboni qaytarishga muvaffaq bo'ldi.

Qo'shimcha taymlarning ikkinchisida tashabbus Rossiyaga tomoniga o'tib ketdi. Janubiy amerikaliklarning 37 yoshli murabbiyi maydonga beshinchi o'yinchini tushirib, raqibning o'yin tempini buzishga muvaffaq bo'ldi va uchrashuvni penaltilar seriyasiga ko'chirdi.

"Lotereya"da g'alaba qozonish uchun har ikki jamoa yaxshi imkoniyatga bo'ldi. Etti martadan zarba yo'llanganidan so'ng Argentina 5:4 hisobida g'alaba qozonib, yarim final yo'llanmasini qo'lga kiritdi.

Yarim finalda Braziliya va Argentina terma jamoalari o'zaro to'qnash kelishadi.

Futzal bo'yicha JCh, chorak final
Marokko – Braziliya – 0:1 (0:1)
Gol: Rodrigo (11)

Rossiya – Argentina – 1:2 (1:1). Penaltilar seriyasi — 4:5.
Gollar: Antoshkin (35) — Kutstsolino (25)