Messi «Man Siti»ga qarshi o'yinda maydonga tushadimi?

«PSJ» kecha Frantsiya chempionatida «Monpele»ni mag'lub etdi (2:0) va endi Chempionlar ligasi guruh bosqichining «Manchester Siti»ga qarshi o'yiniga tayyorgarlik ko'rmoqda.

RMC Sport xabariga ko'ra, Lionel Messi va Marko Verratti bugun «PSJ» umumiy guruh mashg'ulotlariga qaytishdi.

Messining Chempionlar ligasi o'yinida ishtirok etishi haqidagi qaror uning bugungi mashg'ulotdan so'ng o'zini qanday his qilishiga qarab qabul qilinadi. U hech bo'lmaganda o'yin uchun qaydnomaga kiritilishi kutilmoqda.

«PSJ» - «Manchester Siti» uchrashuvi 28 sentyabr, seshanba kuni bo'lib o'tadi.