Levandovski faoliyatiga katta ta'sir o'tkazgan murabbiylar kimlar?

Myunxenning «Bavariya» klubi hujumchisi Robert Levandovski o'z faoliyatiga eng katta ta'sir ko'rsatgan murabbiylarni aytib o'tdi.

«Yurgen Klopp bilan birgalikda men ma'lum maqsadga to'liq tezlik bilan erishish va gol urishni o'rgandim. Gvardioladan taktika haqida katta tushuncha oldim, bu mening futbolga bo'lgan qarashlarimni o'zgartirdi.

Karlo Anchelotti menga oldin bo'lmagan ishonchni qozonishga yordam berdi», - deydi Leva. Germaniya Bundesligasining joriy mavsumida polyak 6ta o'yinda maydonga tushib, 7ta gol urishga erishdi.