"Beshiktosh" Kariusga maosh bermayapti

Transfer huquqi "Liverpul"ga tegishli bo'lgan darvozabon Loris Karius "Beshiktosh" klubida muammoga duch keldi.

25 yoshli posbonning agenti o'tgan oyda FIFAga arz qilib, turk klubi uning mijoziga to'rt oydan buyon maosh to'lamayotganini ma'lum qilgan. Bu 1 mln funtga yaqin summani tashkil qiladi.

FIFA vakili Kariusning arzi o'rganilayotganini tasdiqladi. "Beshiktosh" esa bu holatga izoh bermagan.

Nemis darvozaboni yozda "Liverpul"dan "Beshiktosh"ga ijaraga o'tgan edi.