APL. «Liverpul» 6ta gol urilgan o'yinda «Brentford» maydonida ochko yo'qotdi (videosharh)

Angliya permer-ligasining 6-turi doirasida bo'lib o'tgan «Brentford» va «Liverpul» jamoalari o'rtasidagi uchrashuv jangovarligi bilan ajralib turdi.

Tomonlar bahs davomida hisobda quvlashmachoq o'ynashdi. Dastlab mezbonlar Pinnokning goli evaziga hisobni ochishgan bo'lsa, oradan 4 daqiqa o'tib Diogu Jota hisobni tenglashtirdi.

Ikkinchi bo'lim boshida esa Muhammad Saloh mersisaydliklari oldinga olib chiqdi, ammo oradan 9 daqiqa o'tib Yanelt yana hisobni durang ko'rinishga keltirib qo'ydi.

Oradan ko'p o'tmasdan "Liverpul"ning 20 yoshli yarim himoyachisi Kertis Jons jamoasini yana oldinga olib chiqdi.

Bahs tugashiga 8 daqiqa qolganida esa «Brentford» hisobni tenglashtirdi — 3:3. Gol muallifi — Yoan Vissa.

O'yin so'ngida Klopp shogirdlari g'alaba to'pini kiritishga intilishdi. Ammo mezbonlar posboni Rayya seyv namoyish etib, jamoasi uchun muhim bir ochkoni saqlab qoldi.

Ushbu durang tufayli "Liverpul"ning ochkolari 14 ochko bilan peshqadamga aylangan bo'lsa, "Brentford"ning ochkolari 9taga etdi.

Angliya chempionati, 6-tur
Brentford – Liverpul 3:3 (1:1, 2:2)
Gollar: 1:0 – 27 Pinnok, 1:1 – 31 Diogu Jota, 1:2 – 54 Saloh, 2:2 – 63 Yanelt, 2:3 – 67 Jons, 3:3 – 82 Vissa.
Brentford – Rayya, Yansson, Ayer, Pinnok (Yorgensen, 43), Genri, Kanos, Nergor (Vissa, 78), Yanelt, Oneka (Baptist, 68), Touni, Mbemo.
Liverpul – Alisson, Aleksander-Arnold, Matip, van Deyk, Robertson, Xenderson, Fabino, Jons (Firmino, 68), Saloh, Mane, Diogu Jota.
Ogohlantirishlar: Oneka (44), Robertson (70).

Manba: www.stadion.uz.