“Liverpul”ning ikki asosiy futbolchisi safga qaytdi

“Liverpul” klubi futbolchilari – Trent Aleksander-Arnold va hujumchi Roberto Firmino jarohatlaridan tiklanib, jamoaviy mashg'ulotlarga qaytdi.

Mersisaydliklar bosh murabbiyi Yurgen Klopp shogirdlarining holati haqida ma'lumot berdi. Uning ta'kidlashicha, futbolchilar APLning 6-turidan o'rin olgan “Brentford”ga qarshi bahsda maydonga tushishlari mumkin.

Ma'lumot uchun, Firmino 3-turdan o'rin olgan “Chelsi”ga qarshi o'yinda jarohat olib, safdan chiqqan edi. Shundan so'ng, u 4 ta bahsni o'tkazib yubordi. Trent esa so'nggi 2 o'yinda maydonga tushmadi.

“Brentford” – “Liverpul” bahsi bugun, 25 sentyabr kuni bo'lib o'tadi.