Kuman 2ta o'yinga diskvalifikatsiya qilindi

«Barselona» bosh murabbiyi Ronald Kuman 2ta o'yinga diskvalifikatsiya qilindi. Niderlandiyalik mutaxassis "Kalis"ga qarshi bahsning 90+7-daqiqasida hakamga e'tiroz bildirgani uchun maydondan chetlatilgandi.

Shu bois, musobaqalarni o'tkazish qo'mitasi Kumanga nisbatan 2ta o'yinlik jazo chorasini qo'llashga qaror qildi. Murabbiy endi «Levante» va «Atletiko»ga qarshi bahslarda "Barsa" texnik hududida o'tirish huquqiga ega bo'lmaydi.

Bundan tashqari, klub va Kumanning o'ziga jarima ham solindi.