Dilshod Rahmatov: «Bugun xalqimizni xursand qilmoqchi edik»

Futzal bo'yicha O'zbekiston terma jamoasi a'zosi Dilshod Rahmatov Jahon chempionatining nimchorak final bosqichida Eronga qarshi bo'lib o'tgan o'yin (8:9) borasida o'z fikrini bildirib o'tdi.

"Og'ir o'yin bo'ldi. Xalqimizni xursand qilmoqchi edik. Afsuski, yutqazib qo'ydik.

Himoyada ko'p xato qildik. Eron bunday xatolarni kechirmaydi. Biz ham raqibning xatolaridan foydalanishga harakat qildik. Eronga esa keyinga o'yinda omad tilayman.

Keyingi JCharida yanada yaxshiroq natija ko'rsatishga harakat qilamiz. Yosh futbolchilarimiz yanada o'sishadi.

Bizni qo'llab-quvvatlab turgan xalqimizga, muxlislarga rahmat aytaman. Ular musobaqada ajoyib muhitni yuzaga keltirishdi", — dedi Dilshod Rahmatov.