La Liga. Bir kishi kam bo'lib qolgan «Barselona» «Kadis»ni enga olmadi (videosharh)

La Liga 6-turidan o'rin olgan o'yinda «Barselona» 23 sentyabr, payshanba kuni «Kadis» bilan bahs yuritdi.

Kadisda o'tganda o'yinda jamoalar har qancha urinmasin darvozalarga to'p kiritilmadi. Uchrashuv 0:0 hisobidagi durang bilan yakunlandi. 65-daqiqadan boshlab katalonlar bir kishi kam bo'lib qoldi, Frenki de Yong ikkita sariq kartochka ishlab olgani tufayli maydondan chetlatildi.

Qayd etish o'rinli, «Barselona» barcha musobaqalar doirasida ketma-ket 3 o'yindan beri g'alaba qozona olmayapti. La Liga turnir jadvalida esa jamoa 9 ochko bilan 7-o'rinni egallab turibdi. «Kadis» 6 ochko bilan 14-o'rinda bormoqda.

La liga, 6-tur
23 sentyabr, payshanba
«Kadis» – «Barselona» 0:0
«Kadis» – Ledesma, Karselen (Akapo, 79), Aroyan, Viktor Chust, Espino, Ximenes (Salvi Sanches, 46), Fali Ximenes (Yonsson, 40), Alarkon, Arsamendiya (Perea, 57), Sobrino, Negredo (Losano, 57).
«Barselona» – ter Shtegen, Mingesa, Pike, Arauxo, Dest (Puch, 80), de Yong, Buskets, Gavi (Niko Gonsales, 73), Demir (Serxi Roberto, 46), de Yong (Koutino, 68), Depay.
Ogohlantirishlar: de Yong (61), Serxi Roberto (65), Aroyan (68), Akapo (88), Alarkon (90), Buskets (90).
Chetlatish: F. de Yong (65).