O'zbekiston gandbolchilari jahon chempionatiga yo'l olishdi!

Iordaniyada gandbol bo'yicha ayollar o'rtasida Osiyo chempionati davom etmoqda.

Bugun musobaqa doirasida 5-8 o'rinlar uchun o'yinlar o'tkazilmoqda.

Musobaqa doirasida O'zbekiston terma jamoasi qizlari mezbon Iordaniyaga qarshi o'yin o'tkazishdi va 34:26 hisobida g'alaba qozondi.

Ushbu g'alaba orqali qizlarimiz Osiyo chempionatida kuchli oltilikdan o'rin olishdi va jahon chempionati yo'llanmasiga ega chiqishdi.

Endi jahon chempionati 1-19 dekabr kunlari Ispaniyada o'tkaziladi.

Ma'lumot uchun, shu paytgacha jahon chempionatida 24 ta terma jamoa ishtirok etardi. Bu yildan boshlab esa jahon birinchiligida 32 ta terma jamoa ishtirok etadigan bo'ldi.