Arsenal ustozi liga kubogida jamoa tarkibini butunlay o'zgartirib tashladi (revyu)

Kecha Londonning «Arsenal» klubi Angliya liga kubogi doirasida o'z uyida «Uimbledon» klubini qabul qildi va yirik hisobda g'alaba qozondi. Muxlislar bilan to'lib-toshgan «Emireyts» o'yingohida 3-0 hisobi qayd etildi. «Kanonirlar»ning Lyakazett ham kiritilgan ikkinchi tarkibi raqibga hech qanday imkoniyat qoldirmadi. Stadionda jamoa muxlislari: «agar «Tottenxem»dan nafratlansang, o'rningdan tur», deb kuylab turdilar. Darhaqiqat, «Arsenal» kelayotgan turni APLda «Tottenxem»ga qarshi o'tkazadi. Kecha tarkibda Mikel Arteta tomonidan qilingan tanlov barchada hayrat uyg'otdi. Negaki, ispaniyalik mutaxassis «Byornli» bilan bo'lgan o'yinga qaraganda 10 ta o'zgarishga qo'l urgandi. Liga kubogining oldingi, «Vest Brom»ga qarshi to'qnashuvida Arteta jamoasi ikkita mag'lubiyat bilan etib kelgandi. Bunisida esa ikkita g'alabali tseriya bilan tashrif buyurdi.

Qilingan bunday keskin o'zgarishlar Mikelga ikkinchi tarkibni ham sinovdan o'tkazib olish imkoniyatini berdi. Ushbu tarkibda eskilarlardan faqatgina Tomas Parti bor edi, xolos. Ganalik futbolchi katta ehtimol bilan yakshanba kungi bahsda ham maydonga tushiriladi. To'pchilar tarkibida kamnamo futbolchilardan biri bu Gabriel Martinellidir. U kechagi o'yinni o'ng qanot hujumida boshlab berdi. Braziliyalik bolakay 10-daqiqadayoq Lyakazett uchun penalti ishlay oldi va hisob ochilishiga sababchi bo'ldi. Garchand Martinellining o'yinga bo'lgan ta'siri sezilgan bo'lsada, u bahsda tugatmadi va 15 daqiqa oldin Bukayo Sakaga almashtirildi. 3 raundda Eddi Nketiya ham asosiy tarkibk o'yinchisi sifatida qayd etildi. Akademiyadan chiqqan yulduz futbolchi asosan o'z o'yinlarida ko'plab vaziyatlarni ko'kka sovurishi bilan «tanilgan». U gol urganiga qaramay, yangi mavsum APLda unga ko'p ham imkon berilmaydi. Shu sabab u katta ehtimol bilan o'z faoliyati uchun boshqa klub topishi lozim.

Aleksandr Lyakazett kecha sardor sifatida maydonga jamoani boshlab tushdi. U o'yinga yuqori daraja berishi kutilgandi. Ammo frantsuz hujumchisining o'yini kutilganidek bo'lmadi. Undan ko'ra yoshlarning, Smit-Rou hamda Bukayo Sakaning harakatlari so'nggi daqiqalarda hisobga o'zgarishlar kiritilishini ta'min etdi. Ushbu juftlik gol yaratishda bir-birini yaxshi tushunishdi. Rou va Nketiyalarning goli bahsga mantiqiy yakun bo'ldi. Saka ham deyarli shunga yaqin kelgan edi. Ammo raqib darvozaboni Nik Tsanev bunga yo'l qo'ymadi.

«Arsenal» klubining so'nggi yillarda asosiy futbolchilariga aylantirilgan Obameyang, Martin Edegor hamda Kiran Tirni kabi o'yinchilarga butunlay dam olish imkoniyati yaratildi. Ular «Tottenxem»ga qarshi muhim bahsga tayyorgarlik ko'rmoqda. Umuman olganda, o'yinning ikkinchi bo'limi nisbatan sokin boshlandi. Ikki taraf ham dastlab keskinlik sodir etmadi. Shu tariqa o'yin mezbonlar foydasiga hal bo'ldi.

ingliz tilidan Jaloliddin ISMATOV tarjimasi