«Liverpul» darvozaboni qishda jamoani tark etishi mumkin

Loris Karius qishki transfer oynasida klubini o'zgartirishi mumkin, deb xabar beradi Bild.

Manbaning xabariga ko'ra, «Bazel» 28 yoshli germaniyalik darvozabon xizmatlariga qiziqish bildirmoqda. Yozda Kariusni qo'lga kiritmoqchi bo'lgan Shveytsariya klubi bu fikridan voz kechmoqchi emas. «Bazel» yanvar oyida «Liverpul» ga yangi taklif bilan chiqadi.

Ma'lumot uchun, 2018-2020 yillarda Karius «Beshiktosh»da ijarada o'ynagan va 2020/2021 yilgi mavsumni «Union Berlin» da o'tkazgan.