Angliya liga Kubogi. «Manchester Yunayted» musobaqa bilan xayrlashdi, «Chelsi» va «Tottenhem» penaltilar seriyasidagi g'alaba evaziga keyingi bosqichga chiqdi

Angliya liga kubogining 3-bosqichidan o'rin olgan bir qator uchrashuvlar 22 sentyabr, chorshanba kuni bo'lib o'tdi.

«Manchester Yunayted» o'z uyida «Vest Hem»ni qabul qildi. Uchrashuvning 9-daqiqada Manuel Lansini londonliklarni oldinga olib chiqdi. Bu gol yakunda uchrashuv taqdirini hal qildi va Ole-Gunnar Sulsher shogirdlari Liga Kubogidagi ishtirokini yakunladi.

«Chelsi» klubi «Aston Villa»ga qarshi bahs olib bordi. Ikkinchi bo'lim debyutida Timo Verner mehmonlar darvozasini ishg'ol qildi. Oradan ko'p o'tmay «Aston Villa» muvozanatni tikladi. Asosiy vaqtda g'olib nomi aniqlanmadi. Penaltilar seriyasida omad «ko'klar» tomonida bo'ldi.

«Arsenal» quyi liga vakili «Uimbldon» bilan bellashdi. 11-daqiqada Aleksander Lyakazett penaltini golga aylantirdi. 77-daqiqada Emil Smit-Rou hisobni ishonchli ko'rinishga keltirdi. Oradan ko'p o'tmay Edvard Nketia yakuniy hisobni o'rnatdi — 3:0.

«Vulverhempton» va «Tottenhem» jamoalari o'rtasidagi bahsning asosiy vaqti 2:2 hisobidagi durang bilan yakun topdi. Penaltilar seriyasida esa London klubining qo'li baland keldi.

Angliya liga kubogi, 3-bosqich bahslari
22 sentyabr, chorshanba
«Manchester Yunayted» — «Vest Hem» 0:1
Gol: 0:1 – 9 Lansini.
«Manchester Yunayted»: Henderson, Bayi, Lindelef, Diogu Dalot, Telles (Elanga, 73), Matich, Mata (Grinvud, 62), Lingard (Brunu Fernandesh, 72), van de Bek, Sancho, Marsyal.
«Vest Hem»: Areolya, Douson, Diop, Frederiks (Soufal, 17), Masuaku (Vlashich, 69), Yarmolenko, Lansini (Fornals, 69), Kral, Nobl, Bouen, Jonson.

«Chelsi» — «Aston Villa» 1:1
Penaltilar seriyasi — 4:3
Gollar: 1:0 – 54 Verner, 1:1 – 64 Archer.
«Chelsi»: Arrisabalaga, Chiluell, Sarr, Jeyms, Chaloba, Kante (Maunt, 46), Saul (Lukaku, 76), Ziyosh (Barkli, 76), Loftus-Chik, Hadson-Odoi, Verner.
«Aston Villa»: Stir, Yang, Tuanzebe, Xoz, Kesh (Konsa, 77), Nakamba, al-G'ozi, Sanson (Chukvuemeka, 42), Buendia, Traore (Filojin-Baydeys, 64), Archer.

«Arsenal» — «Uimbldon» 3:0
Gollar: 1:0 – 11, penalti Lyakazett, 2:0 – 77 Smit-Rou, 3:0 – 80 Nketia.

«Vulverhempton» — «Tottenhem» 2:2
Penaltilar seriyasi — 2:3
Gollar: 0:1 – 14 Ndombele, 0:2 – 23 Keyn, 1:2 – 38 Dendonker, 2:2 – 58 Podense.

«Milluoll» — «Lester» 0:2
Gollar: 0:1 – 50 Lukman, 0:2 – 88 Ixeanacho.