O'FA «Nasaf» klubi o'yiniga muxlislar kiritilishi munosabati bilan OFKga minnatdorchilik bildiradi

Respublika maxsus komissiyasi qarori bilan yurtimiz stadionlariga muxlislar kiritilishiga ruxsat berilgach, O'FA mutaxassislari tez fursatda OFK ga murojaat qildi va xalqaro uchrashuvlar, jumladan OFK kubogi doirasida «Nasaf» - "Mohun Bagan" o'yiniga ham tomoshabinlar kiritilishi borasida so'rovnoma yubordi.

Qisqa fursat ichida OFK va O'FA mas'ullari tomonidan olib borilgan muzokaralardan so'ng so'rovnomaga ijobiy javob berildi. Natijada bugun minglab futbol muxlislari uchun bayram muhiti taqdim etildi. OFK kubogining Inter Zonal yarim finalida Qarshida «Nasaf» - "Mohun Bagan" ustidan 6:0 hisobida g'alabaga erishdi va keyingi bosqichga yo'l oldi. Uchrashuv muxlislar qarshisida o'tdi va har doimgidek qashqadaryolik tomoshabinlar ajoyib atmosferani yuzaga keltirishdi. Ana shunday futbol muhiti vujudga kelishiga xayrixohlik qilgani uchun O'FA rahbariyati OFKga minnatdorchilik bildiradi.