OFK kubogi. «Nasaf» Hindiston jamoasiga hech qanday imkoniyat qoldirmadi

"Nasaf" OFK kubogining chorak final bosqichi doirasida Hindistonning "Mohun Bagan" klubini o'z maydonida qabul qilib, o'ta yirik hisobda g'alaba qozondi.

Bahsning 4-daqiqasida vakillarimiz burchak to'pini o'yinga kiritgach, himoyachi o'z darvozasini ishg'ol qilib qo'ydi.

Shundan keyin esa Husayn Norchaevning "benefisi" boshlandi. U 17, 20 va 31-daqiqalarda raqib darvozasiga 3 marta yo'l topdi.

Bo'limning so'nggi daqiqalari esa Oybek Bozorovga ataldi. Dastlab u penaltini golga aylantira olmagan bo'lsa (to'p to'singa tegdi), qo'shib berilgan daqiqalarda yarim himoyachi baribir o'z hisobiga gol yozdi.

Hisob 5:0 ko'rinishga kelgach, qarshiliklar ikkinchi taymda ancha xotirjam to'p tepishdi va raqib darvozasini yana bir marta ishg'ol qilishdi. Gol muallifi — Doniyor Narzullaev.

"Nasaf" yarim finalda Gonkongning "Li Man" klubiga qarshi o'tkazadi.

OFK kubogi-2021, chorak final
«Nasaf» - "Mohun Bagan" - 6:0 (5:0)
Gollar: A.Mehta 5ʼ (avtogol), Husayn Norchaev (17ʼ, 20ʼ, 31ʼ), Oybek Bozorov (45+1ʼ), Doniyor Narzullaev (71ʼ)
Noaniq penalti: Oybek Bozorov 43ʼ