«Atletiko»ning Superliga borasida pozitsiyasi qanday?

«Atletiko» prezidenti Migel Anxel Xil Superliga yaratish g'oyasi haqida o'z fikrlari bilan o'rtoqlashdi.

"Bizni ushbu musobaqada ishtirok etishga taklif qilishdi. 48 soat ichida qaror chiqarishga majbur edik. Jamoamiz butunlay muxlislarni o'ylab harakat qiladi. Avvalgi an'anaviy futbol tufayli hozirgi obro'yimizga erishganmiz.

Aynan futbolning hozirgi tartib-qoidalari tufayli biz katta narsalarga erisha oldik.

Men aktsiyadorlar bilan uchrashdim. Ularga o'z his-tuyg'ularim va fikrlarimni bildirdim, bu sport g'oyasiga xiyonat qilish ekanligini tushuntirdim.

Ammo, agar unda qolgan jamoalar ham xuddi shunday harakat qilishganida edi, tez orada mavjud tizim va tushunmovchiliklar birdaniga yo'q bo'lib ketar edi», deydi Anxel Xil.