Levandovski «Bavariya»ni tark etishi mumkinmi? Futbolchi javob berdi

«Bavariya» hujumchisi Robert Levandovski boshqa jamoaga o'tishi mumkinligi haqidagi xabarlarga izoh berdi.

«Bir necha yillardan buyon «Bavariya»ni tark etishim mumkinligi haqidagi xabarlarni eshitib kelaman. Ammo bunday fikr mening xayolimga kelmagan. Men Chempionlar ligasi doirasida barcha jamoalarga qarshi o'ynayman. Ular bilan taqqoslaganda «Bavariya» juda yaxshi o'ynamoqda.

Men bor e'tiborimni «Bavariya»ga qaratganman. Bor gap shu. Albatta, bundan keyin ham yana mish-mishlar paydo bo'laveradi, ammo bu meni aslo xavotirga solmaydi», – dedi futbolchi "Kicker"ga bergan intervyusida.