"Lester" afsonasi "Chelsi"ga o'tganidan afsuslandi (intervyu)

Denni Drinkuoter degan ism ko'pchilikning qulog'iga tanish bo'lsa kerak. Ayniqsa, bu nom 2015-16 yilgi APL mavsumida juda ko'p tilga olingan. Chunki o'sha yili Angliyada "Lester Siti" jamoasi chempion bo'lgan va bunda klub tarkibida Drinkuoter ismli futbolchi ham bor edi. Ampluasiga ko'ra yarim himoyachi bo'lgan bu futbolchi jamoasi safida eng asosiy figura sanalgan. "Lester" safida qariyb 200 ga yaqin o'yin o'tkazgan pleymeyker chempionlikdan so'ng ko'plab gigant klublar nazariga tushib qoladi. Shunday klublardan biri, "Chelsi" esa, uni 2017 yili sotib olgan...

Men xato qilgandim

Denni Drinkuoter "talkSPORT" nashriga bergan itervyusida uning "Chelsi"da kechgan faoliyati juda ham omadsiz bo'lganini ta'kidladi. 31 yoshli futbolchi 4 yildan ortiq vaqt mobaynida "aristokratlar" safida barcha musobaqalarda atigi 23 marta ko'rinish bergan, xolos. Uning APLdagi so'nggi bahsi 2018 yilda bo'lib o'tgan. Denni bu haqda shunday deydi:
"Men o'z faoliyatimni qayta ko'rib chiqishim va boshidan boshlashim lozim. Men bundan bir necha yil oldin, hozirgiga qaraganda ruhan va jismonan baquvvat edim. Ayniqsa, o'sha faoliyatimni cho'qqisi bo'lgan, "Lester"ning chempionligi yilida. O'yinlardan, umuman futboldan zavq olishni bilish kerak. Ba'zilar bundan qo'rqishadi. O'z o'yinimni ko'rsatmadim, o'ynamadim. Men xato qilgandim. Men hozir Londonda shartnomamning so'nggi yilini o'tkazmoqdaman. Shunday ekan, men hayotda futboldan ham muhim narsalar borligini anglab etdim".

"Chelsi" bilan bitimining 4 yili ketayotgan bir paytda Drinkuoter yozgi transferlar oynasida Chempionship vakili bo'lgan "Riding" klubiga ijaraga berib yuborildi. Hozir esa u futbolga bo'lgan muhabbatini tarbiyalashga harakat qilmoqda. U bu jamoada o'z debyutini o'tkazdi va "Fulxem"ga qarshi g'alabali o'yinda asosiy futbolchilardan biriga aylandi. U ushbu o'yindan so'ng, shunday deydi:
"Surat chizolasizmi, deysizmi? Yo'q(kuladi). Bu oson ish emas. Men hozirda jamoa murabbiyi bilan yaxshi munosabatdaman. Biz bir-birimizga va jamoaga ishonamiz. Umid qilamanki, ular ham menga ishonadi va biz kuchli jamoaga aylanamiz".

Drinkuoter "Chelsi"ni keyingi yozda erkin agent sifatida tark etadi. Shuning uchun futbolchi ijara bitimi vaqtida "Riding" rahbarlariga o'zini ko'rsatishi lozim bo'ladi. Shuni ham aytish kerakki, yarim himoyachining bundan avvalgi ijara shartnomalari omadsiz yakunlangandi. U 2019 yilda "Byornli"da bo'lgan payti, barda katta janjalga sababchi bo'ladi va bu OAVda e'lon qilinadi. Shuningdek, u "Aston Villa"da ekanida o'z jamoadoshi Jota bilan janjallashib qoladi va uning boshiga tushiradi. Denni bu qilmishi uchun 2 haftalik maoshini jarima sifatida to'lab bergan edi.

ingliz tilidan Jaloliddin ISMATOV tarjimasi