Allegri g'azab bilan: «Ular «Yuve»da o'ynashga loyiqmi?»

«Yuventus» bosh murabbiyi Massimiliano Allegri jamoasining A seriyaning 4-turi doirasida «Milan»ga qarshi bo'lib o'tgan o'yindagi (1:1) shogirdlarining harakatlarini keskin tanqid ostiga oldi.

"Corriere della Sera" tarqatgan xabarga ko'ra, o'yin yakunlanganidan keyin Allegri futbolchilarga baqirgan: «Ahmoqlar! Ular «Yuve»da o'ynashni istashadimi?»

Ma'lumotlarga qaraganda, murabbiy kiyinish xonasiga yo'l olish chog'ida o'zini yo'qotgan. O'yinni futbolchilar ham o'zaro muhokama qilishgan. Allegrining fikricha, barcha o'yinchilar ham «Yuventus» saviyasiga mos emas.