«Napoli» 2018 yildan buyon ilk marta A Seriya turnir jadvalida etakchilik qilmoqda

«Napoli» kecha mehmonda A Seriya 4-tur doirasida «Udineze»ni 4:0 hisobida mag'lub etdi.

Shunday qilib, «Napoli» 2018 yilning fevralidan buyon ilk bor A Seriya turnir jadvalida etakchilik qilmoqda. O'sha vaqtda jamoa murabbiyi Mauritsio Sarri bo'lgandi va u 2018 yilda «Chelsi»ga o'tib ketgandi.

Eslatib o'tamiz, «Napoli» joriy mavsum A  Seriya doirasidagi 4ta o'yinda 4ta g'alabaga erishdi.

Spaletti jamoasi avvalgi turlarda «Venetsiya», «Jenoa» va «Yuventus»ni mag'lub etgandi. Jamoa keyingi turda «Sampdoriya»ga qarshi o'ynaydi.