«Dinamo» muxlislari «Nurafshon»ga qarshi o'yin uchun G'ijduvonga borishadi

Pro liganing hal qiluvchi o'yinlari start olish arafasida. «Dinamo» jamoasi 23 sentyabr kuni Buxoroning «Nurafshon» klubi mehmoni bo'ladi.

Superliga yo'llanmasi uchun kurash olib borayotgan ko'hna shahar jamoalari o'rtasidagi to'qnashuv ikki tomon uchun ham juda muhim ahamiyatga ega. Sababi «Dinamo» va «Nurafshon» klublari turnir jadvalida yonma-yon – 2-3-o'rinlarni egallab turishibdi.

23 sentyabr, payshanba kuni soat 16:30da boshlanadigan o'yinga «Dinamo» muxlislari avvalgidek katta avtobusda borib-kelishni reja qilishgan. Muxlislar o'yin kuni soat 10:30da «Dinamo» stadioni oldida (fan-klub binosi yonida) to'planib, soat 11:00da G'ijduvon tomon (230 kilometr masofa) jo'nab ketadi. O'yin tugagani bilan esa yana Samarqandga qaytiladi. Yo'l-kira narxi borib-kelish 80 ming so'm. Shoshiling, joylar chegaralangan. Qo'shimcha ma'lumot uchun, «Dinamo» muxlislari faoli Shavkat Burhonovga murojaat qiling (+998 97 920 24 40).

Manba: fcdinamo.uz