Messi «Lion»ga qarshi o'yinda engil jarohat oldi

«PSJ» hujumchisi Lionel Messi Frantsiya chempionatining 6-turi doirasida bo'lib o'tgan «Lion»ga qarshi bahsda (2:1) engil jarohat oldi.

"L'Equipe" tarqatgan xabarga ko'ra, argentinalik futbolchining chap oyoq tizzasi lat edi. Manbada aytilishicha, forvard aynan shu sababga ko'ra almashtirilgan. Messi dushanba kuni cho'loqlanib yurgan. U jamoaning seshanba kungi mashg'ulotda ishtirok etadimi yoki yo'qmi, hozircha aniq emas.

Eslatib o'tamiz, Messi kechagi uchrashuvnig 76-daqiqasida maydonni tark etar ekan, o'ziga qo'l uzatgan Maurisio Pochettinoning murojaatini javobsiz qoldirdi.