Dalot «Manchester Yunayted»ni tark etadi

Portugaliyalik himoyachi Diogo Dalot keyingi transfer oynasida «Manchester Yunayted»ni tark etishga yaqin turibdi. Bu haqda Goal.com portali o'z sahifalarida xabar beradi.

«Milan»dagi ijaradan qaytgach, futbolchi «qizil iblislar»ning asosiy tarkibiga kira olmadi. Ole-Gunnar Sulsher boshqa himoyachilarga tayanmoqchi.

Yozgi transfer oynasida Dortmundning «Borussiya»si va «Milan» klublari Dalotga qiziqish bildirishdi, ammo ingliz klubi futbolchini sotmaslikka qaror qilgan edi. Endi esa vaziyat o'zgargani aytilmoqda.