"Jeydon Sancho hali o'sadi. Bunga aminman!" — Sulsher

"MYu" ustozi Ole-Gunnar Sulsher klubning yozgi xaridi bo'lgan Jeydon Sancho haqida fikr bildirdi. Bu haqda transferlar mutaxassisi, italiyalik jurnalist Fabritsio Romano o'z sahifasida yozgan:

"Jeydon Sancho hali rivojlanadi. Bunga aminman! Biz uning timsolida yaqin 10, 12, kerak bo'lsa 15 yilda kuchli hujumchi ko'rganimiz uchun, uni jamoaga olib keldik. U hali yosh bola. Sancho endigina 21 da va hali katta marralarga erishadi. Bu yo'lda unga barchamiz ko'maklashamiz".

Avvalroq Devid Moyes Sulsher haqida fikr bildirgani haqida xabar qilingan edi. Uning jamoasi bugun Londonga "Vest Xem"ga qarshi o'ynaydi.